Sa bidda de uda

Uda est unu comunu de cuasi 8'000 abitantis acanta de Casteddu, conca a Nord-ovest. Su terretóriu cosa sua est mannu e imbussat  134,33 kmq.

Su paesàgiu est prus che totu agrìculu intreverau de benatzus a parti de basciu. Si artziat finas a sa punta de Monti Arcosu. S’area urbana est acorrada a intru a is lacanas de Flùmini Mannu  e de s’arriu Cixerri cun sa diga cosa sua.

 

De su puntu de vista naturalìsticu, su terretóriu de Uda. Tenit paricis situs de importàntzia manna. Medas de custus funt a intru de sa riserva de su WWF de Monti Arcosu. Custa riserva est su padenti de mància mediterranea prus mannu de totu su bacinu mediterràneu.

 

Su paesàgiu de Uda tambeni est arricau de sa presèntzia de paricis insediamentus de epoca preistórica. Is abbitus prus antigus apillant de su III millenniu a.C.. Infra custus s’area archelógica de Su Niu de Su Pilloni est de siguru su situ de importu prus mannu po is caraterìsticas cosa sua.

Ma su fàbricu storicu allogau prus beni e de importu mannu est de siguru sa Cresia romanica dedicada a Santa Maria

 



Tocca su tastu pò cumentzai sa visita a su Museu

Circa-sì in Facebook, Youtube e Twitter!